+0 به یه ن
شعر شاهکار تغییر اسامی شهرهای آذربایجان در زمان رضاشاه از زبان شاعر جوان

"ناصر شهبازی متخلص به "آشیق اوغلو" تغییر اسامی جغرافیایی آذربایجان توسط حکومت پهلوی را این چنین با زبان شعر بیان و در حقیقت درمان میکند:

بابالاردان قالان یادیگار ائله
یادلاری چئویریب قاتانا لعنت
تۆرکۆ یئر اؤلکه نین تۆرکۆ اوبانین
آدلارین چئویریب قاتانا لعنت

بابالار تۆرکۆ آد قویدو هر یانا
اوشاغی یئکه لیب یوردونو قانا
کئچمیشین بیله او، باش اوجا قالا
بابالار رسمینی قاتانا لعنت

منیم ده یوردومدو گؤزل اوجانیم
سهنده دایانیب اۆره ییم جانیم
بوستان آباد دئییر، اوجانی دانیم
اؤز ائلین آیرییا ساتانا لعنت

سرسکند پوزولدو، اولدو هشت رود
آجی چای سیلیندی، اولدو تلخه رود
بیلمیرم سیلَنلر، گؤرۆرلر نه سود
آنا دیلده آدی قاتانا لعنت

توفارقان نه ییدی، آذرشهر اولدو
خانا دا چئوریلدی، پیرانشهر اولدو
او گؤزل خییاو دا، مشکین شهر اولدو
دوغما یوردون آدین دانانا لعنت

ملک کندی یاندی، چیخدی ملکان
بَی کندین چئویریب، اولوبدور بوکان
بزکلی گۆن دوغان، اولدو کندوان
تۆرک ائلین آدینی قاتانا لعنت

اورمودا قوشاچای، آدی سیلیندی
یازدی میان دو آب، تزه دیلیندی
تیکان تپه چؤنۆب، تکاب بیلیندی
سولدوزو نقده، قانانا لعنت

قاراداغ دا، ارس بارانا دؤندو
ساری داش سیلیندی، سردشته چؤندۆ
ساوه لر بزندی، ساووج دا سؤندۆ
آراز چایین ارس، یازانا لعنت

ساووج بولاق قالسا، هر دین قاریشار
مهاباد اولونسا، ائللر باریشار
سایین قالا اوچوب، شاهین دژ یاشار
یالان دئییب دینی قاتانا لعنت

قَشه مین میشوو، میشاب یازیلدی
قدس اوجالدی، قره آغاج پوزولدو
زنجان گلدی زنگان، آدی قازیلدی
حاق اولسا هئچ، ناحاق یازانا لعنت

تۆرکۆ آد سیلیندی، یالان دووارا
یالان دیلده آدلار، ائله قورولا
اوشاغلار یئکه لیب، تۆرکدن یورولا
دۆز سؤز یئرینده، یالانا لعنت

ایسته دی ائلیمنن، آرالی اولام
یوردومدا تک قالیب، یارالی اولام
اؤزۆ هارالیدی، اورالی اولام
تۆرکۆنو آذری یازانا لعنت

آچ گؤزۆنۆ اویان تۆرکۆن بالاسی
هارای سال تیتره سین بابک قالاسی
گؤیلره اوجالسین حقین بیناسی
میللتلر حققینه باتانا لعنت

آشیق اوغلو دئییر سؤزلرین عیان
قویما حقین گئده، غفلتدن اویان
تۆرکۆ دیلده یاشا آزاده بیان
دۆزۆ یالان ائدیب اویانا لعنت

http://yanlizbirqiz.blogfa.com http://azyurd.blogveb.com/