دورنانیوز- توركجه سرویسی:آذربایجان خلقینین تاریخینی اؤیرنمكده اَن اهمیتلی، لازیم، بكر، ده رین، مباحثه سیز و قطعی منبع و سندلردن بیریده دیل، ائل، شخص و یئر آدلاریدر. بوتون حقیقتلره او دئمكدیركی، بیر میلتین دیلینی اونون تاریخیندن آییرماق اولماز. بعضی متعصب تاریخچیلر اَن قدیم دؤورلردن بو گونكی ایران تورپاقلاریندا اولان حادثه لرین باش وئرمیشینی و اوندان چیخان سندلی آدلاری آوروپادان گلن ائرمنیلر و باشقا نژادلارا نسبت وئریرلر. ائل طایفا و خلقلر یاشادیقلاری، یئر، اؤلكه و منطقه نین داغ، دره، چای، گؤل، مئشه و سایره سینی، ایله جده قوروب یاراتدیقلاری كند، قالا و شهرلری نین اؤز دیللری نین كلمه لری ایله آدلاندیرمیش وآدلاندیریلار. دئمك اولار بو آدلار شفاهی شكیلده آغیزدان آغیزا زمانمیزه گلیب چاتمیش و یقین قید ائتمك دیركی تاریخی اثرلردن معلوم اولان اسكی یئر و جغرافی آدلاری او دؤورولرین دیلیندن یادگار قالمیش و اَن محكم سند و مدركلردیلر. ماراقلی بوراسیدیركی، اردشیر بابكان اؤز دووروندن باشلایاراق، ساسانی شاهلاری نین اسكی تاریخینی و مدركلرینی محو...