BAO.az. 12.7.2014. Qaşqay elində yaşayan soydaşlarımızın tədqiqatları nəticəsində Qacarlar dövründə mövcud olmuş Qaşqay əyalətinin inzibati xəritəsi üzə çıxarılmışdır. Xəritədən belə məlum olur ki, sözügedən əyalətin güney sınırları Kəngər (Bəsrə, Fars) körfəzinə qədər uzanmışdır. İranın bu gün Qəçsəran adlandırılan, gerçək tarixi adı isə "Qoç Koroğlu" olan və əsas neft yataqlarından biri olan şəhər də həmin əyalətin şəhərlərindən hesab edilib. Hazırda sözügedən şəhərin əhalisinin 70 faizi qaşqaylardan, 30 faizi isə lorlardan ibarətdir. Fəqət qaşqaylar dövlət idarəçiliyinə buraxılmır. Məmurlar bütünlüklə lorlardan və farslardan ibarətdir.